મહેમદાવાદના વણસોલ સુંઢા તાબાના ફુલજીપૂરા ગામ પાસે રોડની ધાર પર બેઠેલા બે ઇસમોને કારના ચાલકે અડફેટે મારી અકસ્માત સર્જાયો હતો. આ અકસ્માતના બનાવમાં ગંભીર રીતે ઘવાયેલા યુવાનનું મોત નીપજયુ છે.
મહેમદાવાદના સુંઢા વણસોલ તાબે ફુલજીપૂરામાં રહેતા પ્રવીણભાઈ ચૌહાણ તેઓ મિત્રના ઘરે જવા નીકળ્યા હતા. તે સમયે વણસોલ સુઢાંથી કેસરા રોડ નજીક આવતા હતા. ત્યારે પ્રવિણભાઇના ઘર નજીક ભત્રીજો નાગેશ ચૌહાણ ઉં.વ.૪૦ અને અજીતભાઇ ચૌહાણ રોડની ધારી પર બેઠા હતા. મંગળવાર રાતના વણસોલ સુંઢા તરફથી આવતી એક કારના ચાલકે રોડની બાજુમાં બેઠેલ નાગેશને અને અજીતભાઇને અડફેટે મારી હતી. જેમાં નાગેશને માથામાં ગંભીર ઇજા થઇ હતી.
ઘવાયેલા નાગેશને સારવાર અર્થે મહેમદાવાદ સામૂહિક આરોગ્ય કેન્દ્રમાં ખસેડાયા હતા. જ્યા ફરજ પરના તબીબે નાગેશને તપાસી મૃત જાહેર કર્યા હતા. કારનો નંબર જોતા કારના ચાલક કઠલાલના ભરકુંડા ગામમાં રહેતા દશરથ ડાભી હતો. આ અંગે પોલીસે ફરિયાદ નોંધી વધુ તપાસ હાથ ધરી છે.
નરેશ ગનવાણી : નડિયાદ
