નડિયાદ તાલુકાના આખડોલ ગામની સીમમાં આવેલ ખાલી કેનાલમા ગત તા. ૨૭ મી નવેમ્બરને રોજ એક બિનવારસી બાળકી મળી આવી હતી. આ બનાવ અંગે નડિયાદ પોલીસને જાણ કરવામા આવી હતી. પોલીસે બાળકીનો કબજો લઈ તપાસ હાથ ધરી હતી.
નડિયાદ રૂરલ પોલીસે હાથ ધરેલ તપાસમાં બાળકીની માતાનો પત્તો લાગ્યો છે. પ્રેમી ભુર્ગભમા ઉતરી ગયો જેમાં બાળકીની માતા મંજુલાબેન તે પુનમભાઇ જેણાભાઇ પરમાર નામની વિધવા રહે વડતાલ તાબે દલાપરા જ્ઞાનબાગની પાછળ અટકાયત કરવામાં આવી છે અને તેની પૂછપરછ કરતા તેણીને તેનાજ ગામના પંકજ ઉર્ફે લાલો જયંતીભાઇ પરમાર નાઓ સાથે પ્રેમ સંબંધ હોવાના કારણે ગર્ભ રહેતા ગત ૨૩ મી નવેમ્બરના રોજ વડોદરા ગોત્રી સરકારી હોસ્પિટલ ખાતે બાળકીને જન્મ આપેલ અને તેના પ્રેમી દ્વારા જન્મેલ બાળકીની ઓળખ છુપાવવા માટે આખડોલ મોટી નહેરમાં ત્યજી દેવામાં આવી હોવાની કબૂલાત કરી છે. હાલ મંજુલા બેનની અટકાયત કરવામાં આવી છે જ્યારે તેના પ્રેમી પોલીસ પક્કડથી દૂર છે.
નરેશ ગનવાણી : નડિયાદ
