નડિયાદના દેસાઈ વગા વિસ્તારમાં આજે અચાનક જ એક સીએનજી ઇકો કારમાં આગ લાગી હતી. આગ લાગતાની સાથે જ અફરાતફરીનો માહોલ સર્જાયો હતો. આગ લાગતા સમય સૂચકતા વાપરીને ઇકો કારનો ચાલક કારમાંથી બહાર નીકળી જતા તેનો આબાદ બચાવ થયો હતો. આગ લાગવાનું પ્રાથમિક તપાસમાં અનુમાન જાણવા મળ્યું છે કે કોઈ શોર્ટ સર્કિટના કારણે ઇકો કારમાં આગ લાગી હોય આગ લાગતાની સાથે જ નડિયાદ ફાયર ટીમના જવાનો ઘટનાસ્થળે પહોંચી ગયા હતા. ફાયર વિભાગે આગ ઓલવવાની કામગીરી હાથ ધરી હતી. સદનસીબે આ આગમાં કોઈ પણ પ્રકારની જાનહાની થયેલ નથી.
નરેશ ગનવાણી : નડિયાદ
Advertisement
