નડિયાદ ડભાણ રોડ પર પસાર થતાં હાઈવે પર ગઇ કાલે રાત્રે ચાલુ કન્ટેનરમાં આગ લાગતાં હાઈવે પર થોડા સમય માટે ભારે અફડાતફડી મચી ગઇ હતી ઘટનાની જાણ નડિયાદ ફાયર વિભાગને થતાં ફાયર બ્રિગેડના કર્મીઓએ બનાવ સ્થળે પહોંચી જઈ આગ પર કાબુ મેળવી લીધો હતો.
નડિયાદ તાલુકાના ડભાણ પાસે નેશનલ હાઇવે નંબર ૪૮ પર બુધવારની રાત્રે એક કન્ટેનર વડોદરા તરફથી અમદાવાદ જઈ રહ્યું હતું. તે દરમિયાન કન્ટેનરની કેબીનમા આગ લાગતાં ચાલકે વાહનને રોડની સાઈડમાં પાર્ક કરી ઉતરી જતાં આબાદ બચાવ થઈ ગયો હતો. કન્ટેનરમા આગે જોત જોતામાં વિકરાળ સ્વરૂપ ધારણ કર્યું હતું જેના પગલે અફડાતફડી મચી ગઇ હતી. આ આગમા કન્ટેનરનું કેબિન બળીને ખાખ થઇ ગયું હતું. આગની જાણ નડિયાદ ફાયર વિભાગને કરવામાં આવતાં ફાયરની ટીમ ઘટના સ્થળે પહોંચી આગ પર પણીનો મારો ચલાવી કાબુ મેળવ્યો હતો. સદ નસીબે આ ઘટનામાં કોઈ જાનહાનિ થઇ ન હતી.
