નડીઆદ ગાંધી હોલ ખાતે પોષણ કીટ વિતરણનો કાર્યક્રમ યોજાયો.

નડીઆદ તાલુકા પંચાયતના ગાંધી હોલ ખાતે પોષણ કીટ વિતરણનો કાર્યક્રમ યોજવામાં આવેલ હતો. જે કાર્યક્રમમાં સંજયસિંહ મહિડા, પ્રમુખ, તાલુકા પંચાયત નડીઆદ તેમજ તાલુકા પંચાયત સદસ્યઓ દ્વારા કમળા, મંજીપુરા, સિલોડ તથા અંધજ ગામના આંગણવાડી કેન્દ્રોના અતિકુપોષિત બાળકોને પોષણ સ્તરમાં સુધારો લાવવા માટે પોષણ કિટનું વિતરણ કરવામાં આવ્યું. જે કિટમાં દુધનો પાવડર, સિંગદાણા, તલ, ચણા, ગોળ તેમજ દુધનું પેકેટ વિતરણ કરવામાં આવ્યું. તદ્ઉપરાંત આ પ્રસંગે હાજર અન્ય ગામોના તાલુકા પંચાયતના સદસ્યો દ્વારા અતિકુપોષિત બાળકોને દત્તક લઇ તેઓના પોષણ સ્તરમાં સુધારો લાવવા માટે દત્તક લેવા માટેનું આયોજન કરવામાં આવ્યું હતું.

નરેશ ગનવાણી : નડિયાદ