ગુજરાત સરકારના રમત ગમત, યુવા અને સાંસ્કૃતિક પ્રવુતિ વિભાગ તથા સ્પોર્ટ્સ ઓથોરીટી ઓફ ગુજરાતના ઉપક્રમે જિલ્લા રમત ગમત અધિકારી ખેડા-નડિયાદ દ્વારા શાળાકીય એસજીએફઆઇ અં-૧૪, અં-૧૭ અને અં-૧૯ એથ્લેટિક્સ બહેનોની સ્પર્ધા તારીખ ૨૭ ઓક્ટોબરથી ૦૧ નવેમ્બર ૨૦૨૩ દરમ્યાન સ્પોર્ટસ કોમ્પલેક્ષ, નડિયાદ ખાતે આયોજન કરવામાં આવ્યું.
આ સ્પર્ધામાં સમગ્ર ગુજરાત રાજ્યના ૩૩ જિલ્લા અને ૮ મહાનગરપાલીકા મળી ૪૧ જિલ્લાઓની ટીમોના ખેલાડીએ ભાગ લીધો હતો. જેમાં અં-૧૪ માં ૪૫૦, અં-૧૭માં ૭૭૯ અને અં-૧૯ માં ૮૨૦ કુલ ૨૦૪૯ ખેલાડીઓ તથા કોચ,મેનેજર, પંચો, વ્યવસ્થાપક મળી કુલ ૨૨૫૦ થી વધારે લોકોએ જુસ્સાભેર ભાગ લીધો હતો. શાળાકીય એસજીએફઆઇ અં-૧૪, અં-૧૭ અને અં-૧૯ એથ્લેટિક્સ બહેનોની સ્પર્ધા પ્રસંગે એલ.પી. બારીયા સાહેબ – ચિફકોચ સ્પોર્ટ્સ ઓથોરીટી ઓફ ગુજરાત, ગાંધીનગર, લક્ષ્મણસિંહ ચૌહાણ – જિલ્લા રમતગમત અધિકારી, ખેડા-નડિયાદ, શ્રધ્ધા મેડમ – નડીઆદ એકેડમી એક્સપર્ટ કોચ, સંજયભાઈ યાદવ – એથ્લેટીક્સ સ્પર્ધાના ચીફ રેફરી, જી. સી. શાહ – સિનિયર એથ્લેટિક્સ સ્ટાટર તથા ગુજરાત રાજય એથ્લેટિક્સ એસોસિએશના પ્રતિનિધિ ચિરાગ પટેલ અને કાનજી ભરવાડ હાજર રહી ખેલાડીઓને પ્રોત્સાહન પૂરું પાડ્યું હતું. સમગ્ર સ્પર્ધાનું સફળ આયોજન લક્ષ્મણસિંહ ચૌહાણ – જિલ્લા રમતગમત અધિકારી, સ્પોર્ટ્સ કોમ્પ્લેક્સ, નડીઆદ, જિ. ખેડા દ્વારા કરવામાં આવ્યું હતું.
નરેશ ગનવાણી : નડિયાદ
