સ્મૃતિ મંધાના કરી રહી છે સખત મહેનત, કહ્યું શું છે તેની આગામી યોજના.

ભારતીય ટીમની સ્ટાર ઓપનર સ્મૃતિ મંધાનાએ રવિવારે કહ્યું કે તે આગામી 12 મહિનામાં ટી 20 મેચોની મોટી સંખ્યાને ધ્યાનમાં રાખીને તેની રમતમાં સુધારો કરવા અને સૌથી ટૂંકા આંતરરાષ્ટ્રીય ફોર્મેટમાં વધુ સ્ટ્રોક રમવાનો પ્રયાસ કરી રહી છે. સોમવારથી શરૂ થઈ રહેલી મહિલા T20 ચેલેન્જ લીગમાં ડિફેન્ડિંગ ચેમ્પિયન ટ્રેલબ્લેઝર્સની આગેવાની કરી રહેલી મંધાનાએ કહ્યું, “વ્યક્તિગત રીતે હું મારા T20 ક્રિકેટ પર કામ કરી રહી છું કારણ કે અમારે આ વર્ષે ઘણી T20 મેચ રમવાની છે. હું પહેલા કરતાં થોડો વધુ શોટ રમવાનો પ્રયાસ કરી રહી છું.“

મહિલા ટી20 ચેલેન્જ સોમવારથી 28 મે સુધી અહીંના એમસીએ સ્ટેડિયમમાં રમાશે. મંધાનાએ કહ્યું, ‘અમારી ડોમેસ્ટિક T20 સિઝન સારી રહી હતી, તેથી અમે આ ટૂર્નામેન્ટમાં તે ગતિ ચાલુ રાખવા માંગીએ છીએ. હું તેમાં કેવી રીતે રમવું તે વિશે વિચારી રહી નથી પરંતુ હું શક્ય તેટલો તેનો આનંદ લેવાનો પ્રયાસ કરીશ.

સોમવારે સુપરનોવાસ સામે તેની ટીમની પ્રથમ મેચ વિશે પૂછવામાં આવતા, મંધાનાએ કહ્યું કે સોફી એક્લેસ્ટોન અને અલાના કિંગની સ્પિન જોડી એક પડકાર ઉભો કરશે પરંતુ તેની ટીમ પાસે તેનો સામનો કરવાની યોજના છે. “અમારી વ્યૂહરચના તૈયાર છે, તેમની પાસે સારી બોલિંગ યુનિટ છે, ખાસ કરીને સોફી (એકલસ્ટોન) અને (અલાના) કિંગ પાસે મજબૂત સ્પિન વિભાગ છે.“

સુપરનોવાસની કેપ્ટન હરમનપ્રીત કૌરને લાગે છે કે મહિલા ટી20 ચેલેન્જ ઝડપી બોલર માનસી જોશી માટે પોતાને સાબિત કરવા અને ભારતીય ટીમમાં પોતાનું સ્થાન પાછું મેળવવા માટે એક સારું પ્લેટફોર્મ હશે. પંજાબના 28 વર્ષીય જોશી કોવિડ-19 ટેસ્ટમાં પોઝિટિવ આવ્યા બાદ ટૂર્નામેન્ટની 2020 સીઝનમાં ભાગ લઈ શક્યા ન હતા. હરમનપ્રીતે ઓનલાઈન પ્રેસ કોન્ફરન્સ દરમિયાન કહ્યું, “દુર્ભાગ્યવશ છેલ્લી વખત તેને રમવાની તક મળી ન હતી, પરંતુ આ વખતે તેણે હોમ સીઝનમાં સારું પ્રદર્શન કર્યું હતું અને હવે તે નેટ સેશનમાં પણ સારૂ પ્રદર્શન કરી રહી છે. આ તેના માટે સારી તક છે.”