નેત્રંગનાં કંબોડીયા ગામનાં બસ સ્ટેન્ડ પાસે ગમખ્વાર અકસ્માતમાં એકનું મોત નિપજ્યું.

પ્રાપ્ત માહિતી મુજબ નેત્રંગ-ઝંખવાવ રોડ ઉપર આવેલ કંબોડીયા ગામ બસસ્ટેન્ડ પાસેથી હાઇવા-ડમ્પર નંબર : જીજે-૧૫-એવી-૨૪૬૯ નો ચાલક પુરઝડપે-ગફલતભરી રીતે પસાર થઇ હતો,જે દરમિયાન સામે છેડેથી આવતી મારૂતિ વાન નંબર : જીજે-૧૬-સીએચ-૮૧૨૨ ને ટક્કર મારતાં સતીષભાઇ શંકરભાઇ વસાવા (ઉ.૩૭ રહે,રૂંધા તા.વાલીયા) બંને પગમાં,કાન અને માથા સહિત શરીરના ભાગે ગંભીર ઇજાઓ પહોંચતા ઘટનાસ્થળ ઉપર જ કરૂણ મોત નિપજ્યું હતું,જ્યારે ગમખ્વાર અકસ્માતના પગલે મારૂતિવાનના ફુરચે ફુરચા ઉડી ગયા હતા,બનાવની જાણ અન્ય રાહદારીઓ અને વાહનચાલકોને થતાં ઘટનાસ્થળ ઉપર લોકટોળાં ઉમટી પડ્યા હતા,જ્યારે નેત્રંગ પોલીસે હાઇવા-ડમ્પરના ચાલક વિરૂદ્ધ ગુનો નોંધી આગળની કાર્યવાહી હાથધરી હતી.