આમોદ તાલુકાના ઇખર ગામની સબા પ્રાયમરી સ્કૂલ ખાતે નિશુલ્ક સર્વરોગ નિદાન શિબિર યોજાઇ હતી, જેમાં બહોળી સંખ્યામાં લાભાર્થીઓએ લાભ લીધો હતો.

ભરૂચ જિલ્લાના આમોદ તાલુકાના ઇખર ગામની સબા પ્રાયમરી સ્કૂલ ખાતે નિશુલ્ક સર્વરોગ નિદાન શિબિર યોજાઇ હતી. ઉપરોક્ત શિબિર ભરૂચની મલ્ટી સ્પેશ્યલ હોસ્પિટલના સહયોગથી યોજાઇ હતી. આયોજિત સર્વરોગ નિદાન શિબિરમાં ડૉ. આરીફ ઓટલાવાળા, ડૉ. પ્રગતિ પ્રજાપતિ, ડૉ. આરીફ ખત્રી તેમજ ડૉ. સલીમ મગરવાળાએ લાભાર્થીઓને તબીબી સેવાઓ પ્રદાન કરી હતી.

આયોજિત સર્વરોગ નિદાન શિબિરમાં ઇખર ગામ સહિત આસપાસના ગામોના દરેક સમાજના લોકોએ લાભ લીધો હતો. આયોજિત સર્વરોગ નિદાન શિબિરમાં ૨૦૦ ઉપરાંત દરદીઓએ લાભ લીધો હતો. સર્વરોગ નિદાન શિબિરને ડૉ. યુનુસભાઈ તલાટી, ઉસ્માન મીડી, મકબુલ ખંખારા, સાહિલ બાંડ્યા, ફૈજલ પારસ મેડિકલવાળાએ ખુબ સારી જહેમત ઉઠાવી સફળ બનાવી હતી.

યાકુબ પટેલ:- પાલેજ