ઇમરાન ઐયુબ મોદી- પાલેજ
સોશ્યિલ મીડિયા માં મુસ્લિમ યુવતીઓ વિરુદ્ધ અભદ્ર તેમજ ભડકાઉ ભાષા નો ઉપયોગ કરી પોતાની કોમવાદી માનસિકતા છતી કરનાર ભરૂચ ના વકીલ પ્રકાશ મોદી વિરુદ્ધ મુસ્લિમ સમાજ માં ભારે આક્રોશ જોવા મળી રહ્યો છે જેના પગલે આજ રોજ પાલેજ પોલીસ મથક માં મુસ્લિમ સમાજ દ્વારા ફરિયાદ આપવાના આવી હતી.
વહાટ્સએપ ગ્રુપ માં મુસ્લિમ યુવતીઓ ને બદનામ કરવાના હેતુસર તેમજ તેમની સલામતી ને ખતરામાં મૂકી આપે એવી પોસ્ટ કરી હિન્દૂ યુવાનોને ભડકાવવાનું કામ કરનાર ભરૂચ શાંતિ સમિતિ ના સભ્ય જેઓ પોતાની હલકી માનસિકતા થી સમગ્ર ગુજરાતભર ના હિન્દૂ-મુસ્લિમ ભાઈઓ માં અશાંતિ ફેલાવવાનું કાર્ય કર્યું હોવાથી મુસ્લિમ સમાજ માં ભારોભાર આક્રોશ વ્યાપી જવા પામ્યો છે, મુસ્લિમ યુવાનોને ઐયાશ ગણાવી મુસ્લિમ સમાજ ની યુવતીઓ ને અન્ય સમાજ ના યુવાનો સાથે અગ્નિની ની સાક્ષીએ લગન કરવી હિન્દૂ બનાવવાની પોસ્ટ ને લઈ રાજ્યભર ના મુસ્લિમો માં આક્રોશ જન્મતા જેના જિલ્લાના વિવિધ પોલીસ મથકોમાં ભરૂચ ના વકીલ પ્રકાશ મોદી વિરુદ્ધ ફરિયાદ દાખલ કરી મુસ્લિમ સમાજ પોતાનો આક્રોશ વ્યક્ત કરી રહ્યો છે.
જંબુસર,વાગરા,નબીપુર બાદ સોમવાર ના રોજ પાલેજ પોલીસ મથક ખાતે પંથક ના મુસ્લિમ યુવાનો તેમજ આગેવાનો દ્વારા આવી હલકી માનસિકતા ધરાવનાર વકીલ પ્રકાશ મોદી વિરુદ્ધ તેમજ સોશ્યિલ મીડિયા ઉપર ગ્રુપ બનાવી સમાજ માં ઝેર ફેલાવનારા તત્વો વિરુદ્ધ આઈ.ટી એકટ હેઠળ અટકાયતી પગલાં ભરવા રજુઆત કરવામાં આવી હતી જેમાં પાલેજ ગામના અબ્દુલ કય્યુમ માસ્ટર, ઇમરાન કાપડિયા, ટંકારીયા ના અબ્બાસ અહમદ મુનશી, અબ્દુલ ભાઈ કામઠી કરજણ ના પઠાણ અનવર ખાન અકબર ખાન તેમજ ખત્રી ઇલ્યાશ ઇશપજી ભરૂચ ના ઈમ્તિયાઝ પટેલ ઉપરાંત હુઝેફા પટેલ,ફહીમ શેખ ઉપસ્થિત રહી પાલેજ પોલીસને લેખિત માં પોતાની ફરિયાદ આપી આવા કોમવાદી તત્વો ઉપર કાબુ મેળવવા તેમજ શિક્ષાત્મક પગલાં ભરવા પાલેજ પી.આઈ જે.જે પટેલ ને રજુઆત કરી હતી.
