ભરૂચ જિલ્લાનાં વેપારી મથકોમાં મોખરાનું સ્થાન ધરાવતા રાજપારડી નગરનાં બજારમાં કેટલાક કરિયાણાનાં વેપારીઓ કરિયાણાની આડમાં દારૂનાં ગોળનું વેચાણ કરતા હોવાની બુમ ઉઠવા પામી છે. તાજેતરમાં પોલીસે વિદેશી દારૂનો મોટો જથ્થો પકડી પાડ્યો હતો.ત્યારે હવે પોલીસ નગરમાં દારૂનો ગોળ વેચી રહેલા કેટલાક બે નંબરીઓને ઝડપીને કડક કાર્યવાહી કરે તેવી લોકલાગણી જોવા મળી રહી છે. નગરનાં વિવિધ વિસ્તારોમાં કેટલાક વેપારીઓ મોટાપાયે દારૂનો ગોળ વેચતા હોવાની વ્યાપક લોક ચર્ચાઓ ઉઠવા પામી છે.આગળનાં લોકડાઉનમાં કડક અમલ હતો ત્યારે પણ કેટલાક કરિયાણાનાં વેપારીઓ કરિયાણાની આડમાં દારૂનાં ગોળનું મોટાપાયે વેચાણ કરી રહ્યા હોવાની વાતો જાણવા મળી છે. ત્યારે આડેધડ વેચાઇ રહેલો દારૂનો ગોળ દારૂબંધી કેવી રીતે સફળ થવા દેશે ? એ બાબતે પ્રશ્નાર્થ સર્જાયો છે.
ગુલામહુશેન ખત્રી રાજપારડી જિ.ભરૂચ.
Advertisement
