નાંદોદ તાલુકના વાવડી ગામે ઘરફોડ ચોરીની ફરિયાદ રાજપીપલા પોલીસમા ફરિયાદ નોંધાઈ છે. જેમાં બંધ મકાનના તાળા તોડી તિજોરી તોડી રૂ.૮૪,૨૦૦/- ની કિંમતના સોના ચાંદીના દાગીનાની ચોરીક રી તસ્કરોએ તરખાટ મચાવ્યો હતો.
આ અંગે રાજપીપલા પોલીસ મથકે ફરીયાદી હાર્દિકભાઇ ઉમેદભાઇ વસાવા ( રહે,વાવડી સડક ફળિયુ. તા.નાંદોદ જિ.નર્મદા એ કોઇ અજાણ્યો ચોર ઇસમ સામે ફરિયાદ કરી છે. ફરિયાદની વિગત અનુસાર ફરીયાદી હાર્દિકભાઇ પોતાની પત્ની સાથે તા.૧૩/૦૬/૨૦૨૧ ના રાત્રીના આશરે અગિયાર વાગે પોતાનાં મકાનનો મુખ્ય દરવાજે તાળુ મારી મકાનના પ્રથમ માળે સુવા માટે ગયેલા અને અગિયારેક વાગે સુઇ ગયેલ હતા અને તા.૧૪/૦૬/૨૦૨૧ ના સવારના છ વાગે ઉપરના માળેથી નીચે આવતા ફરીયાદીના રહેણાંક મકાનના મુખ્ય દરવાજાનો તાળુ તોડી નાખી મકાનમાં પ્રવેશ કરી બેડરૂમમાં મુકેલ તિજોરીનું લોક તોડી અંદરના ડ્રોવરનું લોક તોડી તેમાં મુકેલ સોના-ચાંદીના દાગીના કિં.રૂ.૮૪,૨૦૦/- ની મત્તાની ચોરી કરી નાસી જતા રાજપીપલા પોલીસ મથકે ચોરીની ફરિયાદ નોંધાવતા પોલીસે વધુ તપાસ આદરી છે
જ્યોતિ જગતાપ, રાજપીપલા
