નર્મદામા ભારે વરસાદમા વીજળી પડવાથી ચાર જણાને ગંભીર ઇજા થવા પામી છે. જેમાં દેડિયાપાડા તાલુકાના મોટીકોરવાઇ ગામે એક અને કહાલપુર ગામે 3 મળી કુલ ચાર જણાને ગંભીર ઇજા થવા પામી છે. તમામ અસરગ્રસ્તોને એમ્બ્યુલન્સ ૧૦૮ મારફતે સારવાર અર્થે સી.એચ.સી. દેડીયાપાડા ખાતે ખસેડાયા છે.
જેમાં તા.૧૦/૦૭/૨૦૨૧ ના રોજ સાંજના 7.15 કલાકની આસપાસ ગાજવીજ સાથે વરસાદ ચાલુ હતો. આ ચાલુ વરસાદે આકાશી વિજળી પડવાથી ૪ વ્યક્તિઓને સામાન્ય શારીરિક ઇજા થઈ હતી. આ ઇજા પામનાર અસરગ્રસ્તોને સરકારી એમ્બ્યુલન્સ ૧૦૮ મારફતે સારવાર અર્થે સી.એચ.સી. દેડીયાપાડા ખાતે લાવવામાં આવ્યા હતા અને સારવાર બાદ તેમને પરત મોકલવામાં આવેલ છે. ઇજા પામનાર વ્યક્તિઓમા ૧) પ્રકાશભાઇ રૂપસિંગભાઇ રહે મોટી કોરવાઇ ૨) રેખાબેન પ્રકાશભાઈ, ૩) પુષ્પાબેન શૈલેષભાઇ, ૪) હંસાબેન પ્રતાપભાઇ, રહે કહાલપુર ને ઇજા થતાં આ અંગે ડેડીયાપાડા મામલતદારે રિપોર્ટ કરી જરૂરી કાર્યવાહી હાથ ધરી છે.
જ્યોતિ જગતાપ, રાજપીપલા
