સુરેન્દ્રનગર જિલ્લાના સાયલાથી ચોટીલા તરફ ગોસળ પાસે કાર ચાલકે સ્ટીયરીંગ પરનો કાબુ ગુમાવતા કાર પલટી ગઈ હતી. જેથી અકસ્માત થતા કારમાં સવાર 6 લોકોને ઇજા થઈ હતી. આ અકસ્માતના બનાવને પગલે હાઇવે પર ટ્રાફિક જામ પણ થઇ ગયો હતો.
લાઠીદડથી તમામ લોકો ચોટીલા કાર લઈ દર્શને જતા હતા. જે દરમિયાન સાયલા ચોટીલા હાઇવે પર ગોસળ પાસે અકસ્માતનો બનાવ બન્યો પામ્યો હતો. જેમાં કારમાં સવાર 6 લોકોને ઈજા થઈ હતી. જેમાં મહિલા તેમજ બાળકીને ગંભીર ઇજા પહોંચી છે. 108 દ્વારા તમામ ઇજાગ્રસ્તોને સાયલા સરકારી હોસ્પિટલ ખાતે પ્રાથમિક સારવાર અર્થે ખસેડવામાં આવ્યા હતા. જ્યારે ઇજાગ્રસ્તોમાં અશોક પરસોતમ પુરાણી, કમળાબેન પરસોતમભાઈ પુરાણી, સોનલબેન અશોકભાઈ પુરાણી, ખુશી અશોકભાઈ પુરાણી, રાહુલ અશોકભાઈ પુરાણી, આર્યન દિલીપભાઈ પુરાણીનો સમાવેશ થાય છે. આ અકસ્માતને પગલે હાઇવે પર ટ્રાફિક જામના દ્રશ્યો સર્જાયા હતા અને પોલીસે ઘટના સ્થળે પહોંચી વધુ તપાસ હાથ ધરી હતી તેમજ ઇજાગ્રસ્તોને સારવાર અર્થે હોસ્પિટલ ખસેડવામાં આવ્યા હતા. કાર પલટી મારતા અકસ્માત સર્જાયો હતો. જેને ધ્યાને લઈને પરિવારજનોમાં પણ ચિંતા જોવા મળી હતી.
