સુરતમાં એસ.ઓ.જી.પોલીસે ગોડાદરા વિસ્તારમાંથી બે ઇસમોને દારૂના જથ્થા સાથે ઝડપી પાડયા છે.
સુરતમાં 31 ડિસેમ્બરના તહેવારો પહેલા બુટલેગરો દ્વારા અવનવા કીમિયા અજમાવીને મોટી માત્રમાં શહેરમાં દારૂ ઘુસાડવામાં આવતો હોય છે ત્યારે પાણીની બોટલ સપ્લાય કરતા ઈસમો બુટલેગરોની મદદથી દારૂની હેરાફેરી કરી રહ્યા હોવાની માહિતી મળતા પોલીસે વોચ ગોઠવી સુરત ગોડાદરા એસ.એમ.સી. ગાર્ડન પાસે અતુલ શક્તિનાં ટેમ્પોને ઉભો રાખી તપાસ કરતા પાણીના કેરબામાંથી વિદેશી દારૂની બોટલ મળી આવી હતી. પોલીસે ટેમ્પા ચાલક અંબાલાલ ભુરાલાલ મેવાડા રહે, ચંદ્રલોક સોસાયટી, પરવતગામ અને દિનેશ જેઠમલ મેવાડા રહે, વૈકુંઠધામ, ગોડાદરાની અટક કરી આગળની તપાસ હાથ ધરી હતી. તેઓ પાસેથી વિદેશી દારૂની 56 બોટલ કિં.રૂ. 29,000, ટેમ્પો સહિત કુલ રૂ. 1,39,000 નો મુદ્દામાલ ઝડપી પાડયો છે તેમજ માલ લાવનાર અને જેને ડીલેવરી આપવાની છે તે ઇસમો સહિત ચાર આરોપીઓની ધરપકડ કરવામાં આવી છે.
