સુરતના પાંડેસરા વિસ્તારમાં કાર રેલિંગ પર ચઢી જતાં અકસ્માત સર્જાયો.

બનાવ અંગેની પ્રાપ્ત માહિતી અનુસાર આજે સવારે સુરતના પાંડેસરા વિસ્તારમાં અકસ્માતની ઘટના સર્જાતા એક સમયે લોકોમાં દોડધામ મચી હતી, પુરપાટ ઝડપે આવી રહેલી કાર અનિયંત્રિત થતા આ અકસ્માત સર્જાયો હતો. કાર ચાલકે સ્ટેરિંગ પરથી કાબુ ગુમાવતા અકસ્માત નડયો હતો.

પાંડેસરા તેરેનામ ચોકડી પાસે આવેલ બી.આર.ટી એસ.રેલિંગ પર ફોર વહીલ ગાડી ચઢી જતા આ અકસ્માત સર્જાયો હતો, જે બાદ એક સમયે સ્થળ પર અફરાતફરી સર્જાઈ હતી, જોકે સદનસીબે સમગ્ર ઘટના ક્રમમાં કોઈ જાનહાની ન થતા ઉપસ્થિત લોકોએ રાહતનો શ્વાસ લીધો હતો.