ઉમરપાડા તાલુકાના બરડી ગામે વીજ સબ સ્ટેશનમાંથી કોપરની ચોરી કરવાના ગુનામાં સંડોવાયેલા અને નાસતા ફરતા આરોપીને પોલીસે ઉમરપાડા બસ સ્ટોપ પરથી ઝડપી પાડ્યો હતો. જિલ્લા પોલીસ વડા દ્વારા નાસતા ફરતા આરોપીઓને ઝડપી પાડવા માટેની સૂચના ઉમરપાડા પોલીસ મથકના પો.સ.ઈ બાલકૃષ્ણ ગામીતને આપવામાં આવતા તેમણે ચોક્કસ દિશામાં વર્ક આઉટ કરી આરોપીઓને કાર્યવાહી શરૂ કરી હતી. આ દરમિયાન હે. કો.પ્રફુલભાઈ સાકરભાઇ અને પો.કો. ગોપાલભાઈ ભગતભાઈને બાતમી મળી હતી કે પાંચ માસ પહેલા બરડી ગામે જેટકો વીજ સબ સ્ટેશનમાંથી થયેલ કોપરની ચોરીના ગુનામાં નાસતો ફરતો આરોપી સાજીદ S/O ઇલ્યાસ ઉર્ફે બાબુભાઈ કારા (રહે શાહ ગામ તાલુકો માંગરોળ ) ઉમરપાડાના બસ સ્ટેશન પાસે ઊભો છે જેથી પોલીસ કર્મચારીઓની ટીમ દ્વારા બાતમીવાળા સ્થળેથી આરોપીને ઝડપી લેવામાં આરોપી અંગે તપાસ કરતાં તેના વિરુદ્ધ ઉમરપાડા અને ભરૂચ સીટી સી ડિવિઝન પોલીસ મથકમાં ચોરીનો ગુનો નોંધાયો હોવાનું બહાર આવ્યું હતું.
વિનોદ મૈસુરિયા : વાંકલ
