સુરતનાં ખટોદરા વિસ્તારમાંથી પસાર થતાં બી.આર.ટી.એસ.ના રૂટ ઉપર એક બસની અડફેટે રાહદારી યુવક ચઢી જતાં તેને ગંભીર ઇજાઓ પહોંચી હતી.

સુરતના ખટોદરા વિસ્તારમાં રૂપાલી નહેર નજીક આજરોજ સવારે એક બીઆરટીએસ બસના ચાલકે એક યુવકને અડફેટે લઈ લેતાં યુવકને ગંભીર ઇજાઓ પહોંચી હતી. ઇજાગ્રસ્ત યુવકને તાત્કાલિક હોસ્પિટલ સારવાર અર્થે ખસેડાયો હતો.
બનાવ અંગેની જાણ થતાં ખટોદરા પોલીસ ધટના સ્થળે દોડી ગઈ હતી અને બસ ચાલક વિરુદ્ધ કાયદેસરનો ગુનો દર્જ કરી વધુ તપાસ હાથ ધરી હતી.