સુરતનાં વરાછા વિસ્તારમાં આવેલા કુબેરનગરની ખાડીમાં વિવેકાનંદ સોસાયટી પાસે રમતા રમતાં સાત વર્ષનો બાળક ખાડીમાં તણાવાથી ફાયરબ્રિગેડની ટીમ દ્વારા શોધખોળ હાથ ધરવામાં આવી છે.

સુરતનાં વરાછા વિસ્તારમાં આવેલા કુબેરનગરની ખાડીમાં વિવેકાનંદ સોસાયટી પાસે રમતા રમતાં સાત વર્ષનો બાળક ખાડીમાં તણાઈ ગયો હતો. જેથી ફાયરબ્રિગેડ અને પોલીસને જાણ કરવામાં આવી હતી. ફાયરબ્રિગેડની ટીમ દ્વારા ખાડીમાં ઉતરીને બાળકની શોધખોળ હાથ ધરવામાં આવી છે. સુરતનાં વરાછા વિસ્તારની વિવેકાનંદ સોસાયટી નજીકથી પસાર થતી ખાડીમાં સાત વર્ષનો બાળક સ્કૂલમાં રજા હોવાથી રમવા ગયો હતો. આ દરમિયાન અગમ્ય કારણોસર ખાડીમાં તણાઈ ગયો હતો. જેની જાણ સ્થાનિકોને થતાં મોટી સંખ્યામાં ટોળા ઉમટયાં હતાં.બીજી તરફ ઘટનાની જાણ થતાં ફાયરબ્રિગેડ અને પોલીસનો કાફલો દોડી આવ્યો હતો.