હાલ જ્યારે દેશભરમાં કોરોના મહામારી ચાલી રહી છે. ત્યારે ગુજરાતમા દિન-પ્રતિદિન કોરોના પોઝિટિવ કેસ વધી રહ્યા છે. ત્યારે સુરેન્દ્રનગર જિલ્લાના લીંબડી તાલુકામા પણ દિન-પ્રતિદિન કોરોના પોઝિટિવ કેસ વધી રહ્યા છે. આ બાબતે તંત્ર દ્વારા ગંભીરતા દાખવી તાત્કાલિક અસરથી જીલ્લા કલેકટર કે.રાજેશના માર્ગદર્શન હેઠળ લીંબડી સિવિલ હોસ્પિટલમાં કોરોના કેર સેન્ટર શરૂ કરવામાં આવશે. ત્યારે હાલ તાત્કાલિક અસરથી લીંબડી સિવિલ હોસ્પિટલમાં આવેલ મેઈલ વોર્ડમાં આવનાર થોડાજ સમયમાં 40 બેડની કોરોના કેર સેન્ટર શરૂ કરવામાં આવશે જેમાં આ સેન્ટર માટે અલગથી સ્ટાફ પણ મુકવામાં આવશે ત્યારે હાલ આ સેન્ટર તાત્કાલિક અસરથી સ્ટેન્ડબાય કરી દેવામાં આવ્યુ છે. આવનાર થોડા જ સમયમાં કોરોના પોઝિટિવ જે સામાન્ય લક્ષણો ધરાવતા લોકોને આ કોવિડ કેર સેન્ટરમાં દાખલ કરી સારવાર આપવામાં આવશે.
કલ્પેશ વાઢેર:- સુરેન્દ્રનગર
