સુરતનાં લિંબાયતમાં એક યુવાન ઉપર જીવલેણ હુમલો કરી ચાર જેટલા હુમલાખોરો પલાયન થઇ ગયા.

સુરતનાં લિંબાયતમાં એક યુવાન ઉપર જીવલેણ હુમલો કરી ચાર જેટલા હુમલાખોરો પલાયન થઇ ગયા હતા. આ હુમલામાં ગંભીર રીતે ઘાયલ યુવકને સારવાર માટે અન્ય હોસ્પિટલમાં દાખલ કરવામાં આવ્યો હતો. સુરતના લીંબાયત વિસ્તારમાં આજરોજ ધર્મેશ (સન્ની) પાટિલ નામના યુવક પર કોઇ અગમ્ય કારણોસર ચાર જેટલા શખ્સોએ તિક્ષણ હથિયાર વડે હિસંક હુમલો કર્યો હતો. મળતી પ્રાથમિક વિગતો મુજબ આ હુમલામાં ચાર શખ્સોનો હાથ હોવાની સંભાવના વ્યકત કરાઈ રહી છે. બનાવ અંગેની જાણ થતા સુરત ક્રાઇમ બ્રાંચની ટીમ અને પોલીસના ઉચ્ચ અધિકારીઓએ ગુનાનાં સ્થળે દોડી ગયા હતા અને હુમલો કર્યા બાદ ફરાર થઈ ગયેલા ચાર શકમંદોની શોધખોળના ચક્રો ગતિમાન કર્યા હતા.