વડોદરામાં સરકારી હોસ્પિટલમાં દર્દીઓ કેટલા અંશે સુરક્ષિત છે તેની પોલ વધુ એક વખત છતી થઇ છે, જેમાં ગોત્રી ખાતે આવેલ જનરલ હોસ્પિટલમાં વધુ એક વખત ચોરીની ઘટના બનતા ખળભળાટ મચ્યો છે. આ વખતે ICU વોર્ડ માંથી રોકડ અને દાગીનાની ચોરી થઇ હોવાનું સામે આવ્યું છે, જે બાદ દાખલ દર્દીનાં સ્વજનોએ પોલીસને જાણ કરતા ગુનો દાખલ કરાયો છે.
મહત્વની બાબત છે કે ત્રણ મહિના અગાઉ પણ ઓપરેશન થિયેટરમાંથી કીંમતી લેન્સની ચોરી થઇ હતી. લેન્સ ચોરીના આરોપીઓને આજદિન સુધી પોલીસ પકડી શકી નથી. જે બાદ વધુ એકવાર ચોરીની ઘટના સામે આવતા દર્દીઓ અને પરિવાર જનોમાં ફફડાટ છવાયો છે, ત્યારે મામલા અંગે હાલ પોલીસે પણ ગુનો દાખલ કરી તપાસના ચક્રો ગતિમાન કર્યા છે.
Advertisement
