વડોદરા શહેરના ગેંડા સર્કલથી ગોરવા જવાના માર્ગ પર ટ્રાફિક વધી જતા અહીં નડતરરૂપ હંગામી દબાણોના કારણે મુશ્કેલી વધી ગઈ છે. જેથી કોર્પોરેશનની દબાણ શાખાએ આજે અહીં રસ્તો ખુલ્લો કરવાની કાર્યવાહી હાથ ધરી હતી. જેમાં ગોરવા બીઆઇડીસી સામે આવેલ અમર કાર મોટર્સની કમ્પાઉન્ડ વોલ તથા સિક્યુરિટી કેબિન દૂર કરવામાં આવી હતી. આ ઉપરાંત અહીંના માર્ગ પર પાંચ જેટલી દુકાનો પણ તોડી પડાઈ હતી. અમર કાર મોટર્સ દ્વારા થયેલા દબાણના કારણે અહીં રસ્તો સાંકળો થઈ જતા ટ્રાફિક જામના દ્રશ્યો પીકઅપ અવર્સમાં નિયમિતપણે જોવા મળતા હતા. જેથી આજે સમગ્ર કાર્યવાહી હાથ ધરવામાં આવી હતી.
Advertisement
