વડોદરા જિલ્લાના કરજણ તાલુકાના કુરાલી ગામમાં આવેલા અવિભાઈ પટેલના ઘરના વાડામાં ઝાડી ઝાખરામાં આગ લાગતા અફરાતફરી સાથે દોડધામ મચી જવા પામી હતી. આગની જાણ કરજણ ફાયર વિભાગને કરાતા ફાયર વિભાગના કર્મીઓ ઘટના સ્થળે પહોંચી આગ પર કાબુ મેળવવાના પ્રયાસો હાથ ધર્યા હતા.
પવનનો વેગ વધુ હોવાથી ઘર તરફ આગ પ્રસરતા લોકોના જીવ તાળવે ચોંટયા હતા. ફાયર વિભાગના કર્મીઓએ પાણીનો મારો ચલાવી આગ પર કાબુ મેળવ્યો હતો. સદનસીબે કોઇ જાનહાની ન સર્જાતા લોકોએ હાશકારો અનુભવ્યો હતો. લાગેલી આગમાં કેટલું નુકસાન થયું તે જાણવા મળ્યું નથી. ઘટના સ્થળે પોલીસ પણ પહોંચી હોવાના અહેવાલ સાંપડ્યા હતા.
Advertisement
યાકુબ પટેલ, કરજણ
