વડોદરા જિલ્લાના કરજણ નગરમાં આવેલી મારુતિ પ્લાઝા આરોગ્યમ હોસ્પિટલના ઉપરના ફ્લોર ઉપર રહેણાંક ફ્લેટમાં આગ લાગતા અફરાતફરી મચી જવા પામી હતી. ગતરોજ રહેણાક ફ્લેટમાં રાત્રીના આગની ઘટના બનતા કરજણ ફાયર વિભાગને જાણ કરાઇ હતી. આગની જાણ થતા કરજણ ફાયર વિભાગના કર્મીઓ ઘટના સ્થળે પહોંચી આગને કાબુમાં લીધી હતી. ફાયર કર્મીઓ અલગ અલગ બે ટીમ વિભાજિત થઈ તાત્કાલિક પર્સનલ વાહનથી ઘટના સ્થળે પહોંચી ગઇ હતી. આગ વિકરાળ સ્વરૂપ ધારણ કરે તે પહેલા ફાયર કર્મીઓએ આગ પર કાબૂ મેળવી લઇ મોટી દુઘર્ટના બનતા અટકાવી હતી.
યાકુબ પટેલ, કરજણ
Advertisement
