કરજણ તાલુકાના સાંસરોદ ગામની સીમમાંથી ભરૂચ તાલુકાના સામલોદ ગામના રાહુલ વસાવાનો વિકૃત હાલતમાં મૃતદેહ મળી આવતા સમગ્ર પંથકમાં ભારે ચકચાર મચી જવા પામી છે. પ્રાપ્ત માહિતી અનુસાર સામલોદ ગામનો રાહુલ વસાવા થોડા દિવસ અગાઉ ઘરેથી બાઈક લઈને નીકળ્યા બાદ ઘરે પરત ન ફરતા યુવકના પરિવારજનોએ રાહુલની શોધખોળ આદરી હતી. શોધખોળ કર્યા બાદ રાહુલની ભાળ ન મળતા તેઓના પરિવારજનોએ પોલીસને જાણ કરી હતી.
રાહુલનો મૃતદેહ સાંસરોદ ગામની સીમમાં એક ખેતરમાં હોવાની જાણ થતા કરજણ પોલીસે ઘટના સ્થળે પહોંચી તપાસ હાથ ધરી હતી. રાહુલના મૃતદેહનો પોલીસે કબજો મેળવી મૃતદેહને કરજણ સામૂહિક આરોગ્ય કેન્દ્રમાં પી એમ અર્થે ખસેડાયો છે. હાલ તો રાહુલ નામના યુવકનું મોત ક્યાં કારણોસર થયું તે તો પી એમ રિપોર્ટ આવ્યા બાદ જાણવા મળશે. રાહુલનો મૃતદેહ મળી આવવાની ઘટના સમગ્ર પંથકમાં ટોક ઓફ ધ ટાઉન બનવા પામી છે.
યાકુબ પટેલ, કરજણ
