શિનોર તાલુકાનાં સાધલીથી ટીંબરવા જવાના રાજ્ય ધોરીમાર્ગ પર કારમાં આગ લાગતા દોડધામ સાથે અફરાતફરી મચી જવા પામી હતી. પ્રાપ્ત માહિતી અનુસાર ગતરાત્રીના શિનોર તાલુકાના સાધલી ગામે મિત્રને મળવા આવેલા વડોદરાના જેકી રાજ પરમાર કાર લઇ મિત્રને મળવા આવ્યા હતા.
મિત્ર સાથે મુલાકાત કરી પરત ફરતી વેળાએ સાધલીથી ટીંબરવા જવાના રાજ્ય ધોરીમાર્ગ પર અચાનક ગાડીમાં ધુમાડા નીકળતા ગાડીમાં આગ લાગતા ચાલક તથા તેના બે મિત્રો ગાડીમાંથી બહાર નીકળી જતા તમામનો આબાદ બચાવ થવા પામ્યો હતો. પરંતુ જોતજોતામાં આગે વિકરાળ સ્વરૂપ ધારણ કરતાં કાર બળીને ખાખ થઈ ગઈ હતી. શિનોર પોલીસે ઘટના સ્થળ પર આવી આગળની તપાસ હાથ ધરી હતી.
યાકુબ પટેલ : કરજણ
Advertisement
