વડોદરા જિલ્લાના કરજણ જન સેવાસદન કેન્દ્ર સામે ને. હા. નં. 48 પર વાડી ચોકડી પર કોઈ અજાણ્યા વાહને ગાયોને ટક્કર મારતા ત્રણ ગાયોનું મોત નીપજ્યું હતું. ગાયોના મોતના પગલે જીવદયા પ્રેમીઓમાં ભારે શોકની લાગણી પ્રસરી જવા પામી હતી.
આ ગાયો કોની હતી અને તેનો માલિક કોણ છે તે જાણવા મળ્યું નથી. ઘટનાની જાણ થતા ગૌરક્ષા ટીમ ઘટના સ્થળે આવીને કરજણ પોલીસની મદદ લઈને હિન્દુ શાસ્ત્રની વિધિ અનુસાર જે.સી.બી મશીન દ્વારા ખાડો ખોદીને દફનવિધિ પૂર્ણ કરી હતી. માર્ગ પર ટહેલતા ગૌવંશનાં માલિકો દ્વારા કાળજી લેવાય એવી લોકમુખે ચર્ચાઓ સાંભળવા મળી હતી.
Advertisement
યાકુબ પટેલ, કરજણ
