વડોદરા શહેરના કરજણ તાલુકામાં ગતરોજ સાંજે ગભીર અકસ્માત સર્જાયો હતો જેમાં ફોર વ્હીલ ચાલક પૂર ઝડપે બેદરકારી પૂર્વક ગાડી ચલાવતા બાઇક સાથે અથડાતાં બાઇક પર સવાર બે ચાલકોને ગંભીર ઇજાઓ પહોચતા તેઓનું ઘટના સ્થળ પર મોત નિપજતા માતમનો માહોલ સર્જાયો હતો.
પોલીસ સૂત્રોથી બનાવ અંગે મળતી માહિતી અનુસાર, ગતરોજ સાંજના સમયે જયંતિભાઈ ગોવિંદભાઇ પટેલ અને ભુપેન્દ્રભાઈ પટેલ રહે. સરભણ, આમોદ તેઓ ભરૂચ તરફથી વડોદરા પોતાની બાઇક નંબર GJ 16 AR 8934 લઈને જઇ રહ્યા હતા તે સમયે એક ફોર વ્હીલર ચાલક ગાડી નંબર Gj 06 EX 2087 ને પુર ઝડપે ગફલતભરી રીતે હંકારતા નેશનલ હાઇવે પર ભરૂચ વડોદરા તરફ ટ્રેક પર કંડારી ગામ પાસે કટ પાસે રોડ ક્રોસ કરતાં બાઇક સવાર બંને ચાલકો તેમાથી એકની ઉમર આશરે 71 વર્ષ હતી અને બીજાની 75 વર્ષ હતીને તેઓને ગંભીર રીતે અડફેટે લીધા હતા જેમાં બંને બાઇક સવારને હાથના ભાગે, પગના ભાગે અને માથાના ભાગે ગંભીર ઇજાઓ પહોચતા તેઓનું ઘટના સ્થળ પર મોત નીપજયું હતું. જેઓની આગળની કાર્યવાહી અર્થે કરજણ સરકારી હોસ્પોટલ ખાતે ખસેડવામાં આવ્યા હતા.
આધેડને મદદ કરવાને બદલે ફોર વ્હીલ ચાલક ફરાર થઈ ચૂક્યો હતો અને એકસીડન્ટ સ્થળ પર એકાએક ભીડ જમા થઈ ગઈ હતી અને તે લોકો દ્વારા જયંતિભાઈના ફોન પરથી છેલ્લો ડાયલ કરેલ નંબર ફોન કરી અને જાણ કરવામાં આવી હતી ત્યારે પોલીસને પણ જાણ કરતાં કરજણ પોલીસ ઘટનાસ્થળ પર પહોચી હતી અને ફરાર થયેલ ફોર વ્હીલ ચાલકની તપાસ અંગે તજવીજ હાથ ધરી હતી.
યાકુબ પટેલ, કરજણ
