વડોદરા જિલ્લાના કરજણ તાલુકાના નવીજીથરડી ગામમાં નવનિયુક્ત સરપંચે ચાર્જ સંભાળ્યા બાદ વિકાસના કામો શરૂ થયા છે. જેના ભાગરૂપે ગામના નવીનગરી વિસ્તારમાં પેવરબ્લોકનું ખાતમુહૂર્ત નવનિયુક્ત સરપંચ વિનયભાઈ ભગતના હસ્તે કરવામાં આવ્યું હતું. ગામની નવીનગરી વિસ્તારમાં પેવર બ્લોકનું કામ શરૂ થતા ચોમાસાની ઋતુમાં પડતી હાલાકીમાંથી રહીશોને મુક્તિ મળશે. તેમજ રહીશોને આવવા જવામાં સરળતા રહેશે. પેવર બ્લોકનું કામ શરૂ થતા નવીનગરી વિસ્તારના રહીશોમાં હર્ષની લાગણી જોવા મળી હતી. આ પ્રસંગે ગામના સરપંચ, સદસ્યો સહિત ગામના આગેવાનો ઉપસ્થિત રહ્યા હતા.
યાકુબ પટેલ, કરજણ
Advertisement
