વડોદરામાં ભીડભાડવાળા વિસ્તારમાંથી લોકોની નજર ચૂકવી મોબાઈલ ચોરી કરતાં શખ્સને વડોદરા સિટી પોલીસની ટીમે ઝડપી પાડયો છે.
વડોદરામાં સિટી પોલીસ અનડિટેકટ ગુનાઓ શોધી કાઢવા માટે પેટ્રોલિંગમાં હોય જે દરમ્યાન અજયસિંહને બાતમી મળેલ કે શીતળા માતા મહોલ્લા નાકા પાસે એક ઈસમ મોબાઈલ વેચવા માટે ફરે છે આ બાતમીના આધારે બાતમીવાળી જગ્યા પર વડોદરા સિટી પોલીસની ટીમે તપાસ કરતાં આરોપી શંકર ઉર્ફે કાળિયો સોનુભાઈ મારવાડી રહે. વારસિયા વીમા દવાખાના પાછળ વડોદરા જે યુક્તિપૂર્વક અલગ-અલગ કંપનીના મોબાઈલ શહેરના ભીડભાડવાળા વિસ્તારોમાંથી લોકોની નજર ચૂકવી ચોરી લેતો હોય જેને સિટી પોલીસે વિવો, સેમસંગ, રિયલમી, વનપ્લસ અલગ-અલગ કંપનીના કુલ 13 મોબાઈલ ફોન કિં.રૂ.1,02,500 સાથે અનડિટેકટ ગુનો ડિટેકટ કર્યો છે. આરોપીને પોલીસે ઝડપી લઈ સધન પૂછપરછ હાથધરી ગુનો નોંધી કાયદેસરની કાર્યવાહી હાથધરી છે. આ અગાઉ ક્યાં ક્યાં ચોરી કરેલ તેની પણ વિગતો મેળવવા ચક્રો ગતિમાન કર્યા છે.
