વડોદરામાં મહાનગરપાલિકાની વોર્ડ નંબર 12 ની પશ્ચિમ ઝોનની કચેરીમાં આગ લાગતા ભારે દોડધામ મચી જવા પામી હતી.
વડોદરા મહાનગર પાલિકાની વોર્ડ નંબર 12 ની પશ્ચિમ ઝોનની કચેરીમાં પ્રોગ્રામ ઓફિસર શહેરની કચેરી આઈસીડી એસ અર્બન પ્રોજેક્ટ મહિલા અને બાળવિકાસ વિભાગની કચેરીમાં પ્રથમ માળે જ આગ લાગતાં કચેરીના અગત્યના કાગળો બળીને ખાખ થઇ ગયા હતા. તાત્કાલિક ધોરણે ફાયર બ્રિગેડનો સંપર્ક કરવામાં આવતા ફાયર વિભાગની ટીમ તાત્કાલિક ધોરણે ઘટના સ્થળે પહોંચી પાણીનો મારો ચલાવી આગ પર કાબુ મેળવ્યો હતો. આ કચેરીમાં કયા કારણોસર આગ લાગી તેનું કોઈ ચોક્કસ કારણ જાણવા મળ્યું નથી પરંતુ આગ શોર્ટસર્કિટના કારણે લાગેલી હોય તેવું ફાયરના જવાનોએ જણાવ્યું છે. સદનસીબે આ આગમાં કોઈ પણ પ્રકારની જાનહાની થઈ નથી પરંતુ કચેરી સ્થિત તમામ દસ્તાવેજો અને ફર્નિચર, કોમ્પ્યુટરો બળીને ખાખ થઇ ગયા હતા.
Advertisement
