વડોદરાઃ છેલ્લા નોરતે વડોદરા શહેરના વિવિધ ગરબા ગ્રાઉન્ડ પર શહેરના ખેલૈયાઓ મન મુકીને ગરબે ઘૂમ્યા હતા. નવ દિવસ દરમિયાન અવનવા સ્ટેપ્સથી માંડીને ડ્રેસ પહેર્યા અને થીમ વેશ પણ ધર્યા હતા. ગરબે ઘૂમતા કાલા ચશ્માથી માંડીને કલગી-છોગા મૂકીને પણ ખેલૈયાઓ આવ્યાં હતા. નવમાં નોરતે તમામ ગરબા ગ્રાઉન્ડ પર ખેલૈયાઓ વહેલા ગ્રાઉન્ડ પહોંચી ગયા હતા. છેલ્લુ નોરતું હોવાથી ઉત્સાહી ખેલૈયાઓ ગરબા પૂરા થયાની જાહેરાત ન થઇ ત્યાં સુધી ગરબે ઘૂમતા જોવા મળ્યા હતા.
Advertisement
