વડોદરા : વારસિયા વિસ્તારમાં પડેલો ભૂવો અકસ્માતની રાહ જોઈ રહ્યો છે???

વડોદરા શહેરમાં આવેલ વારસિયા વિસ્તારમાં સાંઈબાબા નગર સોસાયટી પાસે સાત દિવસ પહેલાં ભૂવો પડ્યો હતો પરંતુ આ ભુવાને ખાલી કોર્ડન કરીને પતરા મારવામાં આવ્યા છે.

હાલમાં આ ભુવો અકસ્માતની રાહ જોતો હોય તેમ દ્રશ્યમા દેખાઈ રહ્યું છે. આજરોજ પરમાર કમલેશ સામાજીક કાર્યકર દ્વારા જણાવવામાં આવ્યું હતું કે વડોદરા શહેરના મ્યુનિસિપલ કમિશનર અલગ-અલગ વિસ્તારોની મુલાકાત લેતા હોય છે ટૂંક સમયમાં વડાપ્રધાન વડોદરા ખાતે આવવાના છે પરંતુ આ ભુવાને સાત દિવસ થયા છતાં પણ આજદિન સુધી રીપેરીંગ કે પુરાણ કરવામાં આવ્યું નથી તેનું મુખ્ય કારણ સમજાતું નથી સાથે સામાજિક કાર્યકરો દ્વારા જણાવવામાં આવ્યું કે જો આ ભુવાને ૨૪ કલાકમાં રીપેરીંગ કામ કરવામાં નહીં આવે અને પુરાણ કરવામાં નહીં આવે તો સ્થાનિક નાગરિકો સાથે ચોવીસ કલાક બાદ આ ભુવાની બાજુમાં બેસીને રામધુન કાર્યક્રમ કરવામાં આવશે તેની સંપૂર્ણ જવાબદારી જે તે વિસ્તારના કોર્પોરેટર અધિકારીઓ સાથે વડોદરા શહેરના મેયર મ્યુ,કમિશનર, ચેરમેનની રહેશે.