વાલિયા તાલુકાના સેવડ ગામની નવી વસાહતમાં દીપડાએ વાછરડીનું શિકાર કરતા ગ્રામજનોમાં ફફડાટ ફેલાઈ જવા પામ્યો છે.

વાલિયા તાલુકાના વિવિધ ગામોમાં દીપડાઓ પાલતુ પ્રાણીઓનું પર શિકાર કરતા રહ્યાના અનેક કિસ્સાઓ પ્રકાશમાં આવ્યા છે ત્યારે વાલિયા તાલુકાના સેવડ ગામની નવી વસાહતમાં રહેતા બિપિન ભાઈ વસાવાએ પોતાના આંગણામાં ગાય અને વાછરડા બાંધ્યા હતા તે દરમિયા આજરોજ વહેલી સવારે દીપડાએ ઘરના આંગણામાં બાંધેલ એક વાછરડીનું શિકાર કરી તેને ફાડી ખાધી હતી બનાવ અંગે પશુ પાલકે નેત્રંગ વન વિભાગની કચેરીએ જાણ કરી હતી જેને પગલે વન વિભાગની ટીમ ત્વરિત ઘટના સ્થળે દોડી આવી મારણ સાથે પાંજરું મૂકવાની તજવીજ હાથ ધરી છે ત્યારે દીપડાએ વાછરડીને ફાડી ખાતા ગ્રામજનો ભયભીત બન્યા છે