ભરુચ જિલ્લાના ઝઘડીયા તાલુકાના વણાકપોર ગામે તાજેતરમાં એક યુવકનો કોરોના રિપોર્ટ પોઝિટિવ આવતા આરોગ્ય તંત્ર એકશનમાં આવી ગયુ હતું.બાદમાં રાજપારડી અને ભાલોદ આરોગ્ય કેન્દ્રના આરોગ્ય કર્મીઓ દ્વારા વણાકપોર અવિધા સહિતના ગામોએ આરોગ્ય સર્વે હાથ ધરાયો હતો.અવિધા ગામે બે પરિવારના અમુક સભ્યો બહારગામ જઇને આવ્યા હોવાની જાણ આરોગ્ય વિભાગને થતાં અવિધાના આ બહારગામ જઇને આવેલા માણસોના બે પરિવારોને આજે હોમ ક્વોરેન્ટાઇન હેઠળ મુકવામાં આવ્યા હતા. આરોગ્ય સુત્રોના જણાવ્યા મુજબ આ બે પરિવારના કુલ ૧૧ સભ્યોને હોમ ક્વોરેન્ટાઇન કરાયા હતા. ભાલોદ અને રાજપારડીના આરોગ્ય કેન્દ્રો દ્વારા ગામોએ મેડીકલ સર્વેને લગતી કામગીરી હાથ ધરવામાં આવી હતી.
ગુલામહુશેન ખત્રી રાજપારડી જિ.ભરૂચ.
Advertisement
