ભરૂચ પેરોલ ફ્લોની ટીમે વડોદરા મધ્યસ્થ જેલ ખાતે આજીવન કેદની સજા ભોગવતા ફરાર કેદીને ઝડપી લીધો હતો. આ અંગે મળતી વિગતો મુજબ વડોદરા મધ્યસ્થ જેલ ખાતે આજીવન કેદની સજા ભોગવતા પાકા કામના કેદી અશોક ભીખાભાઇ વસાવા રહે.હનુમાન ફળિયું ઝઘડિયાનાને ગત તા.૧૫- ૭ -૨૨ નારોજ વચગાળાના જામીન મંજુર થતાં તા.૧૬- ૭ ના રોજ જામીન રજા પર છુટો કરેલ હતો, આ ઇસમને તા.૩૧-૭-૨૨ નારોજ વડોદરા મધ્યસ્થ જેલ ખાતે હાજર થવાનું હતું પરંતું તે હાજર ન થતાં ફરાર થયેલ હતો. દરમિયાન ભરૂચ પેરોલ ફ્લોની ટીમને ઝઘડિયા પોલીસ સ્ટેશન વિસ્તારમાં પેટ્રોલિંગ દરમિયાન બાતમી મળ્યા મુજબ આ ઇસમને ઝઘડિયા ખાતે તેના ઘરેથી તા.૩-૮-૨૨ ના રોજ હસ્તગત કરીને આગળની કાર્યવાહી માટે ઝઘડિયા પોલીસને સોંપ્યો હતો. આ ઇસમ ઝઘડિયા પોલીસ મથકે નોંધાયેલ ગુનાના આરોપસર વડોદરા મધ્યસ્થ જેલ ખાતે પાકા કામના કેદી તરીકે આજીવન કેદની સજા ભોગવી રહ્યો છે.
ગુલામહુશેન ખત્રી રાજપારડી જી.ભરૂચ
