ભરૂચ જીલ્લાનાં ઝધડીયા તાલુકામાં દીપડાના આતંકથી અનેક ગામોનાં લોકો ભયભીત છે જેમાં થોડા દિવસો પહેલા વાસણા ગામમાં દીપડો દેખાતા વનવિભાગને જાણ કરતાં વનવિભાગે પાજરું મૂકી દીપડો ઝડપી લેતા ગ્રામજનોએ હાશકારો અનુભવ્યો છે.

ઝધડીયા પંથકમાં છેલ્લા ધણા સમયથી અનેક ગામોમાં વન્ય પ્રાણી દીપડાઓ દ્વારા આતંક મચાવ્યો છે કેટલાયે ગામોમાં પાંજરા મૂકીને દીપડાને ઝડપી લેવામાં આવ્યો છે જયારે ઝધડીયાનાં વાસણા ગામે દીપડો ફરતો હોવાથી ગામ લોકો ભયભીત થયા હતા જેની જાણ ઝધડીયા વનવિભાગમાં મહેશભાઇ વસાવા દ્વારા કરવામાં આવતાં વનવિભાગ દ્વારા દીપડો જયાં દેખાયો હતો તે જગ્યાએ પાંજરું મૂકીને દીપડાને ઝડપી લેવાની કામગીરી કરી હતી જે ગતરાત્રિનાં સમયે પાંજરામાં દીપડો પુરાતા ગ્રામજનોએ હાશકારો અનુભવ્યો હતો.ઝધડીયા વનવિભાગના અધિકારીઓ દ્વારા તાત્કાલિક ધોરણે જંગલમાં સલામત સ્થળે છોડી મૂકવામાં આવ્યો છે.