ભરૂચ જીલ્લાનાં ઝધડીયા તાલુકાનાં ભાલોદ ગામ પાસે વહેતી નર્મદા નદીમાં મગર જણાયો હતો. આ મગરનો વિડીયો વાઇરલ થતાં માત્ર ભાલોદ ગામમાં જ નહીં પરંતુ સમગ્ર પંથકમાં મગરનો ભય વ્યાપી ગયો છે. નર્મદા નદીમાં શુકલતીર્થ, કડોદ તેમજ અન્ય ગામો પાસેથી વહેતી નર્મદા નદીમાં અવારનવાર મગરની હાજરી જણાઈ છે. તેમજ કેટલાંક કિસ્સાઓમાં મગર માનવીને પણ ખેંચી જવાના બનાવ બન્યા છે. ત્યારે તાજેતરમાં ઝધડીયા તાલુકામાં ભાલોદ ગામ નજીકથી વહેતી નર્મદા નદીમાં વિશાળ મગર તરતા હોવાનો વિડીયો વાઇરલ થયો હતો. જેના પગલે લોકોમાં ભયની લાગણી ફેલાય છે. હવે શ્રાવણ માસ નજીકમાં હોવાના પગલે લોકો નર્મદા નદીમાં સ્નાન કરવા જશે પરંતુ તેમને પણ મગરની ઉપસ્થિતીનાં કારણે ભય લાગતો હોવાની માહિતી સાંપડી રહી છે.
Advertisement
