ઝધડીયા તાલુકાનાં ખરચી ગામે વિદેશી દારૂનો જથ્થો ઝડપી પાડતી એલ.સી.બી. પોલીસ.

ઝધડીયા તાલુકાનાં ખરચી ગામ ખાતેથી વિદેશી દારૂનો જંગી જથ્થો એલ.સી.બી. પોલીસે ઝડપી પાડયો હતો. આ બનાવ અંગેની વિગત જોતાં ભરૂચ જીલ્લા પોલીસ વડા રાજેન્દ્રસિંહ ચુડાસમાની સૂચના અનુસાર અને એલ.સી.બી. પી.આઇ. જે.એન.ઝાલાનાં માર્ગદર્શન હેઠળ એલ.સી.બી.નાં પી.એસ.આઇ. પી.એસ.બરંડા અને વાય.જી.ગઢવીએ જુદી જુદી ટીમો બનાવી મળતી બાતમી અનુસાર વિદેશી દારૂનો જથ્થો ઝડપાયો હતો. તાજેતરમાં રાત્રિનાં સમયે એલ.સી.બી. નાં ટીમનાં કર્મચારીઓ ઝધડીયા વિસ્તારમાં પેટ્રોલીંગમાં હતા તે દરમિયાન બાતમી મુજબ ખરચી ભીલવાડા ખાતે રેડ કરતાં અલગ અલગ બ્રાન્ડની ભારતીય બનાવટની વિદેશી દારૂની કુલ બોટલ નંગ 168 કિં.24,000 તેમજ ફોરવ્હીલ ગાડી કિંમત બે લાખ મળી કુલ 2,24,000 નો મુદ્દામાલ જપ્ત કરેલ છે. આરોપીઓ જયેશભાઇ દેવસિંગભાઇ વસાવા રહે.જોખલા ગામ તેમજ જગદીશભાઇ બુધિયાભાઇ વસાવા રહે. ભિલવાડા ખરચી ગામને રેડ દરમિયાન મળી ન આવતા તેમને વોન્ટેડ જાહેર કરવામાં આવ્યા છે.