ભરૂચ જિલ્લાના ઝઘડિયા તાલુકાના મુલદ ગામે શુક્રવારના રોજ નડિયાદની બકરી ચોર ગેંગ ત્રણ બકરી ઉઠાવી ગઇ હતી. બકરી ચોરો પૈકી એક ઝડપાઇ ગયો હતો. જે બાબતે પશુપાલકે ચાર બકરી ચોર સામે ઝઘડિયા પોલીસ મથકમાં ફરિયાદ નોંધાવી હતી. પોલીસે ફરિયાદના આધારે શુક્રવારે ઝડપાયેલ બકરી ચોરની સઘન પૂછપરછ હાથ ધરતા તેની સાથે સંડોવાયેલા અન્ય ત્રણ ઇસમોને પોલીસે ઝડપી પાડયા છે. ઉલ્લેખનીય છે કે આ બકરી ચોર ગેંગ બકરાની ઉઠાંતરી કરવામાં જે કારનો ઉપયોગ કરતી હતી તે કાર પણ ઝઘડિયા પોલીસે કબ્જે લીધી હતી. પોલીસે પકડાયેલી બકરાચોર ગેંગની પુછપરછ હાથ ધરતા બીજા કયા કયા સ્થળોએથી બકરા ઉઠાવ્યા હતા તેનું રહસ્ય હવે ખુલશે એવું જાણવા મળ્યુ છે.
ગુલામહુશેન ખત્રી રાજપારડી જિ.ભરૂચ
Advertisement
