ઝધડીયા તાલુકાના રાજપારડી ગામથી ભાલોદ જવાના માર્ગ પર વણાકપોર ગામ નજીક એક ટ્રક ચાલકે એક મોટરસાયકલને અડફેટમાં લેતા મોટરસાયકલ ચાલકને ઇજાઓ થતાં રાજપારડી પ્રાથમિક સારવાર અપાયા બાદ વધુ સારવારની જરૂર જણાતા ભરૂચ ખાનગી દવાખાને લઇ જવાયો હતો.આ અંગે નવીજરસાડ તા.ઝધડીયાના વિરેન્દ્રસિંહ રાઠોડે રાજપારડી પોલીસમાં લખાવેલ ફરિયાદ મુજબ તા.૧૭ મીના રોજ સવારે નવેક વાગ્યાના અરસામાં તેમનો પુત્ર પુષ્પદિપસિંહ મોટરસાયકલ લઇને નોકરી જવા નીકળ્યો હતો ત્યારે વણાકપોર ગામ નજીક રાજપારડી તરફથી આવતી એક ટ્રકના ચાલકે આ મોટરસાયકલ ચાલકને અડફેટમાં લેતા પુષ્પદિપસિંહ નીચે પડી જવા પામેલ.આ અકસ્માતમાં આ યુવકને પગના પંજામાં ઇજાઓ થવા ઉપરાંત પગની આંગળીઓમાં ફેકચર થયુ હતું.ઉપરાંત હાથની કોણી પાસે પણ ઇજાઓ થતાં આ ઇજાગ્રસ્ત યુવકને રાજપારડી પ્રાથમિક સારવાર અપાયા બાદ વધુ સારવારની જરૂર જણાતા ભરૂચ ખાનગી દવાખાને લઇ જવાયો હતો.આ અકસ્માત સંદર્ભે રાજપારડી પોલીસમાં ફરિયાદ નોંધાતા પોલીસે ગુનો નોંધી તપાસ હાથ ધરી હતી.
ગુલામહુશેન ખત્રી રાજપારડી જિ.ભરૂચ
