ઝઘડીયા તાલુકાના પીપદરા ગ્રામ પંચાયતના ઉપ સરપંચ તરીકે વિજયભાઇ વસાવાની વરણી.

ભરૂચ જિલ્લાના ઝગડિયા તાલુકાના પીપદરા કાંટીદરા ગ્રૂપ ગ્રામ પંચાયતની તાજેતરમાં યોજાઇ ગયેલ ચુંટણીમાં કાંટીદરાના સુરેશભાઈ કરશનભાઈ વસાવા સમર્થિત પેનલના ઉમેદવાર સંગીતાબેન હરેશભાઈ વસાવાએ બહુમતીથી  વિજય મેળવીને સરપંચ પદે નિમાયા હતા. કાંટિદરા ગામના યુવા સંગઠન તેમજ ગ્રુપ ગ્રામ પંચાયતના મતદારોના સમર્થનથી સંગીતાબેનનો વિજય થયો હતો, ઉપરાંત તેમની પેનલના ૫ સભ્યોનો પણ વિજય થયો હતો. હાલમાં યોજાઇ ગયેલ ઉપ સરપંચની વરણી માટેની બેઠકમાં ઉપ સરપંચ તરીકે વિજયભાઇ વસાવા નિમાયા હતા. નવ નિયુક્ત સરપંચ અને ઉપ સરપંચે ગ્રામ પંચાયતમાં વિધિવત સત્તા સંભાળી લીધી હતી. આ પ્રસંગે સરપંચ અને ઉપ સરપંચે મતદારોએ તેમનામાં મુકેલ વિશ્વાસ બદલ આભારની લાગણી વ્યક્ત કરી હતી અને તેઓ મતદારોએ તેમનામાં મુકેલ વિશ્વાસને સાર્થક કરશે એમ જણાવ્યું હતું. તેમના સમર્થકો દ્વારા તેઓને અભિનંદન આપીને અભિવાદન કરવામાં આવ્યું હતું.

ગુલામહુશેન ખત્રી રાજપારડી જિ.ભરૂચ