ભરૂચ જિલ્લાના ઝઘડીયા તાલુકાના સારસા ગામે આજરોજ ગ્રામ પંચાયત કાર્યાલય ખાતે મફત આયુષ્યમાન કાર્ડ કાઢી આપવાનો કેમ્પ યોજાયો હતો. સારસા ગ્રામ પંચાયતના સહયોગથી તાલુકા પંચાયત સદસ્ય આરતીબેન પટેલ દ્વારા કેમ્પનું આયોજન કરવામાં આવ્યુ હતું.
આયોજિત કેમ્પમાં હરેન્દ્ર રાજ, વિજય વસાવા તેમજ સંજય વસાવાએ ઓપરેટર તરીકે સેવા બજાવી હતી. ઉલ્લેખનીય છે કે ઝઘડીયા તાલુકા પંચાયતની સારસા બેઠકના સદસ્ય આરતીબેન પટેલ દ્વારા કેમ્પના આયોજન બાબતે સંપૂર્ણ સહયોગ આપવામાં આવ્યો હતો. સવારે સાડા દસના સમયથી શરુ થયેલ કેમ્પનો લાભ લેવા જેમના આયુષ્યમાન કાઢવાના બાકી હોય તેવા લાભાર્થીઓ ઉમટી પડ્યા હતા. ઓપરેટરો દ્વારા અત્રે આવનાર લાભાર્થીઓને અન્ય જરુરી એવા આવકના દાખલા, વિધવા સહાય તેમજ અન્ય દાખલાઓ સંબંધી જાણકારી પણ આપવામાં આવી હતી. સ્થાનિક સ્તરે આયુષ્યમાન કેમ્પનું આયોજન થતાં ગ્રામજનોમાં આનંદની લાગણી જોવા મળી હતી.
ગુલામહુશેન ખત્રી રાજપારડી જિ.ભરૂચ
