ભરૂચ જિલ્લાના ટંકારીયા ગામના ગૌરવશાળી ઇતિહાસમાં ફરીથી નામ રોશન કરનાર ફરહીન સલીમ

ભરૂચ જિલ્લાના ટંકારીયા ગામના ગૌરવશાળી ઇતિહાસમાં ફરીથી નામ રોશન કરનાર ફરહીન સલીમ માસ્તર ગુજીયા એ વલ્લભ વિદ્યાનગર સ્થિત સરદાર પટેલ યુનિવર્સિટીમાંથી M.Sc. (ઓર્ગેનિક કેમેસ્ટ્રી)માં 1 નહીં,2 નહીં પણ 3 ગોલ્ડ #મેડલ મેળવી ટંકારીઆ ગામનું અને સમગ્ર ભરૂચ જિલ્લાની સાથે વ્હોરા પટેલ સમાજનું પણ ગૌરવ વધાર્યું છે.

આ ત્રણ ગોલ્ડ મેડલમાં સૌ પ્રથમ ડો. એમ.આર.પટેલ ગોલ્ડ પ્લેટેડ મેડલ ઉપરાંત ડો. એમ.ડી. અવસરે ગોલ્ડ પ્લેટેડ મેડલ તથા સ્વ. શ્રી મહેન્દ્રભાઈ ગોરધનભાઈ પટેલ ગોલ્ડ પ્લેટેડ મેડલ મેળવ્યા છે. અત્રે ઉલ્લેખનીય છે કે, બે વર્ષ અગાઉ પણ ફરહીન B.Sc. માં ગોલ્ડ મેડલ મેળવી ચૂકેલ છે. આપણાં દેશના ગૃહમંત્રી અમિત શાહના હસ્તે તેઓને ગોલ્ડ મેડલ એનાયત કરવામાં આવ્યા હતા.