વાંકલના જાણીતા તબીબ ડો. શૈલેષ રાઠોડનું હાર્ટ એટેકથી આકસ્મિક નિધન
કીમની સાધના હોસ્પિટલમાં વર્ષોથી આપતા હતા તબીબી સેવા; નિધનથી કીમ સહિત પંથકમાં શોકનું મોજું
વાંકલ : મૂળ વાંકલના વતની અને કીમની સાધના હોસ્પિટલમાં લાંબા સમયથી તબીબી સેવા આપતા જાણીતા તબીબ ડો. શૈલેષ રાઠોડનું મહારાષ્ટ્રના અક્કલકુવા ખાતે હાર્ટ એટેકથી આકસ્મિક નિધન થતાં કીમ સહિત સમગ્ર પંથકમાં શોકની લાગણી ફેલાઈ છે.
મળતી માહિતી મુજબ, ડો. શૈલેષ રાઠોડ પોતાના તબીબ મિત્રો સાથે મહારાષ્ટ્રના પ્રવાસે ગયા હતા. દરમિયાન અક્કલકુવા ખાતે તેમને અચાનક છાતીમાં તીવ્ર દુખાવો ઉપડ્યો હતો. જોકે, સારવાર મળે તે પહેલાં જ તેમનું નિધન થયું હતું.
મિલનસાર અને સૌમ્ય સ્વભાવના ડો. શૈલેષ રાઠોડના અકાળે અવસાનના સમાચારથી તબીબી આલમ, સગા-સંબંધીઓ અને પરિચિતોમાં ઘેરા શોકની લાગણી પ્રસરી છે. મળતી માહિતી મુજબ, તેમનો પાર્થિવ દેહ રાત્રે કીમ ખાતેના નિવાસસ્થાને લાવવામાં આવનાર હતો, જ્યાં પરિવારજનો, સગા-સંબંધીઓ અને ગ્રામજનો અંતિમ દર્શન કરી શકશે.
