રાજપારડી ગામે મોબાઇલ પર ખરાબ મેસેજ મોકલવાની વાતે ઝઘડો થતાં ચાર ઇસમો સામે ફરિયાદ.

ભરૂચ જિલ્લાના ઝઘડીયા તાલુકાના રાજપારડી ગામે રહેતી એક મહિલાને મોબાઇલ પર કથિત ખરાબ મેસેજ મોકલનાર ઇસમને ઠપકો આપતા લોખંડના પાઇપ અને ક્રિકેટના સ્ટમ્પથી હુમલો કરાયો હતો. આ મહિલાના પતિ અને તેનો મિત્ર મેસેજ મોકલનારને ઠપકો આપવા ગયા હતા. ત્યારબાદ સાંજના સમયે ચાર ઇસમોએ ઘરમાં ઘુસીને સ્ટમ્પ અને પાઇપથી હુમલો કર્યો હતો. આ હુમલામાં મહિલાના પતિના મિત્રને ઇજાઓ થતાં ભરૂચ સિવિલ હોસ્પિટલ ખાતે લઇ જવાયો હતો. આ અંગે થયેલ ફરિયાદ મુજબ રાજપારડી પોલીસે મૃગેન્દ્રસિંહ રાજેન્દ્રસિંહ બારિયા, સન્ની રાજેન્દ્રસિંહ બારિયા બન્ને રહે.રાજપારડી તેમજ પ્રિતેશભાઇ મિસી અને ઇન્દ્રજીતસિંહ બારિયા બન્ને રહે.ગામ અવિધા તા.ઝઘડીયાના વિરુધ્ધ ગુનો નોંધી તપાસ હાથ ધરી હતી.