નડયાદ શહેરમાં આવેલ સ્પોર્ટસ કોમ્પલેક્ષમાં રાજ્યકક્ષાની અંડર ૧૧ એથ્લેટિક્સ સ્પર્ધાના બીજા દિવસે ખાળકૂવાના સ્લેબ બપોરે તૂટી પડયો હતો. સ્લેબ તૂટતાં વિદ્યાર્થીઓ અને વાલીઓ ખાળકૂવામાં પડયા હતા. જેમાં એક મહિલાને શરીરે વધતા ઓછા પ્રમાણમાં ઇજાઓ થઇ હતી. જયારે બે બાળકો સહિત ચાર વ્યક્તિઓને અન્ય લોકોએ બચાવી લીધા હતા. ઇજાગ્રસ્ત અમદાવાદના અપેક્ષા ગોડલિયાને સારવાર અર્થે નડિયાદ સિવિલ હોસ્પિટલમાં ખસેડાયા હતા. સદનસીબે કોઇ મોટી દુર્ઘટના થઈ ન હતી. સ્લેબ તૂટી પડવાની ઘટનાના પગલે થોડીવાર માટે સ્પોર્ટસ કોમ્પલેક્ષમાં નાસભાગ મચી ગઇ હતી.
નરેશ ગનવાણી : નડિયાદ
Advertisement
