ભરુચ જિલ્લાના ઝઘડીયા તાલુકાના રાણીપુરા ગામ નજીક આજે એક દિપડાનો મૃતદેહ મળ્યો હતો. વિગતો મુજબ આજરોજ ઝઘડિયા તાલુકાના રાણીપુરા ગામે ઊચેડીયા જવાના રસ્તા પાસે દીપડો મૃત હાલતમાં પડેલો જણાતા સ્થાનિકોએ વનવિભાગને જાણ કરી હતી. રાણીપુરા માનવ સ્કૂલ પાસેથી ઉચેડીયા તરફ જતા રોડની નજીકની ખુલ્લી જગ્યામાં દિપડો મૃત હાલતમાં મળી આવ્યો હતો. ઝઘડીયા વન વિભાગ દ્વારા તેનો કબજો લઇને જરૂરી કાર્યવાહી હાથ ધરવામાં આવી હતી અને દીપડાનું મરણ શાના કારણે થયું છે તે બાબતની તપાસ હાથ ધરી હતી.
અત્રે ઉલ્લેખનીય છે કે થોડા દિવસો અગાઉ ઝઘડિયા જીઆઇડીસીમાંથી પણ એક દીપડો મૃત હાલતમાં મળી આવ્યો હતો. ઉલ્લેખનીય છે કે ઝઘડીયા તાલુકાના વિવિધ વિસ્તારોમાં અવારનવાર દિપડા નજરે પડતા હોય છે.
Advertisement
ગુલામહુશેન ખત્રી રાજપારડી જિ.ભરૂચ
