માંગરોળ તાલુકામાં વર્ષ ૨૦૧૧ માં બાઈક ચોરીના ગુનામાં સંડોવાયેલા આરોપીને 10 વર્ષ બાદ એલસીબીની ટીમે ઝડપી પાડી માંગરોળ પોલીસને હવાલે કર્યો છે. મૂળ મહારાષ્ટ્રના નંદરબાર જિલ્લાના નવાપુર તાલુકાના તારાપુર ગામનો વિશ્વાસભાઈ અમરસિંગ વડવી વતની છે અને હાલ સુરત ભેસ્તાન ચાર રસ્તા વૃંદાવન સોસાયટી ખાતે રહે છે. આરોપી એ વર્ષ ૨૦૧૧ માં માંગરોળમાં બાઈક ચોરી કરતા તેના વિરુદ્ધ ગુનો નોંધવામાં આવ્યો હતો. છેલ્લા દસ વર્ષથી આરોપી ભાગતો ફરતો હતો જેને એલ સી બી ની ટીમે તાજેતરમાં ઝડપી પાડી માંગરોળ પોલીસને હવાલે કર્યો છે. આરોપીએ સુરત સીટી અને જિલ્લામાં તેમજ તાપી નવસારી વગેરે જિલ્લામાં ચોરીના ગુનામાં પકડાઈ ચુક્યો હોવાનું પોલીસને જણાવ્યું હતું. હાલ આરોપી વિરુદ્ધ માંગરોળ પોલીસ કાર્યવાહી કરી રહી છે.
વિનોદ મૈસુરિયા : વાંકલ
Advertisement
